गरिबांना होतोय लाभ
रोज शहरात ५०० गरजू या थाळीचा लाभ घेत आहेत. थाळी मध्ये दोन चपाती, भाजी, एक वाटी भात, एक वाटी डाळ उपलब्ध असते. भिकारी सुद्धा या योजनेचा लाभ घेत आहेत. उपलब्ध असलेली थाळी रुचकर असल्याची भावना लाभार्थ्यांनी बोलून दाखविली.
काहीवेळा ऍप मध्ये येतात अडचणी
फार कमी वेळा ऍप मध्ये काही अडचणी येतात पण त्या काही मिनीटमध्ये दूर होऊन जातात. मात्र रोज दीडशे फोटो काढणे व्यवहार्य नसल्याचे मत नागरिक व केंद्रचालक बोलत होते. त्यासाठी पर्यायी व्यवस्था असावी, अशी सुप्त इच्छा प्रत्येकाच्या मनात आहे.
दीडशे थाळ्या या एक वाजेपर्यंत संपून जातात, रोज दीडशेहुन अधिक लोक माघारी पाठवावे लागतात. अधिक थाळ्या दिल्या तर अनेकांच्या गरजा पूर्ण होतील. - राजेश भैरव, घाटी शिवभोजन केंद्रचालक
ऍप ऐवजी पर्यायी थंब मशिन उपलब्ध झाल्यास योजनेला अधिक गती प्राप्त होईल. रोज अधिक लोकांना याचा लाभ मिळायला हवा असे वाटते. - भुपेंद्रसिंह मल्होत्रा, मध्यवर्ती बसस्थानक केंद्रचालक