छत्रपती संभाजीनगर, (सांजवार्ता ब्युरो) : येथील वाळूज एमआयडीसीच्या जी-८ सेक्टरमधील औरंगाबाद कार्बन प्रॉडक्ट्स लिमिटेड कंपनीत मंगळवारी सकाळी कार्बन डायऑक्साइड वायूची मोठी गळती झाल्याने परिसरात काही काळ घबराट पसरली. एका टँकरमधून कंपनीकडे वायू हस्तांतरित करताना सकाळी ८ वाजेच्या सुमारास हा प्रकार घडला, ज्यामुळे संपूर्ण परिसरात पांढऱ्या धुराचे साम्राज्य पसरले होते. कंपनी व्यवस्थापनाने सर्व कर्मचाऱ्यांना सुरक्षित बाहेर काढले.

अग्निशमन दलाच्या पथकाने संपूर्ण परिसर सील केला. कमी तापमानामुळे गॅस किटवर जाड बर्फ जमा झाल्याने अडथळा निर्माण झाला होता, तरीही तांत्रिक प्रक्रियेचा वापर करून दोन तासांच्या प्रयत्नांनंतर सकाळी १० वाजता गळती पूर्णपणे नियंत्रणात आणण्यात

कंटेनरमध्ये १५ टन कार्बन डायऑक्साइड

▶ अधिकाऱ्यांच्या म्हणण्यानुसार, त्या कंटेनरमध्ये अंदाजे १५ टन कार्बन डायऑक्साइड होता. हा वायू ज्वलनशील किंवा स्फोटक नाही, त्यामुळे आग लागल्यास तो सभोवतालच्या ऑक्सिजन पुरवठ्यात पसरला नसता. तथापि, त्याचे प्रमाण जास्त झाल्यास ऑक्सिजनचा साठा कमी होऊ शकला असता. यामुळे कंपनीच्या सर्व कर्मचाऱ्यांना तात्काळ बाहेर काढून सुरक्षित ठिकाणी हलवण्यात आले.

आली. अग्निशमन अधिकाऱ्यांनी तपासणी केली असता असे आढळून आले की कमी तापमानामुळे गॅस किटच्या काही भागांवर जाड बर्फ जमा झाला होता, ज्यामुळे गळती थांबवणे कठीण झाले होते. यानंतर एका

तांत्रिक प्रक्रियेद्वारे काही काळासाठी गॅसला नियंत्रित पद्धतीने बाहेर पडू देण्यात आले. बर्फ वितळल्यानंतर, गॅस किट सुरक्षितपणे सील करण्यात आले आणि गळती पूर्णपणे थांबवण्यात आली.

https://epaper.sanjwarta.in/

Powered By: Vrudhee Solutions