मी मुख्यमंत्री असताना सरसकट कर्जमाफी केली होती.महायुती सरकारने अतिवृष्टी,पूर बाधित शेतकरी,व्यापारी,नागरिक यांना दिवाळीपूर्वी अतिवृष्टी चे पॅकेज दिले जाईल असे आश्वासन दिले होते.परंतु त्यांनी ते आश्वासन पाळले नाही.पंचांग पाहून ते कर्जमाफी करणार आहेत का ? असा सवाल माजी मुख्यमंत्री उद्धव ठाकरे यांनी पैठण तालुक्यातील नांदर येथे बुधवारी सकाळी शेतकऱ्यांशी संवाद साधत असताना महायुती सरकारला सवाल केला. पुढे बोलताना उद्धव ठाकरे म्हणाले की महायुती सरकारने जून मध्ये शेतकऱ्यांच्या कर्जमाफीची घोषणा केली आहे. मग तोपर्यंत शेतकऱ्यांचे हप्ते का भरून घेता असा सवाल त्यांनी केला आहे. युती सरकारने दिलेल्या आश्वासना नंतर हि अनेक शेतकऱ्यांनी कर्जबाजारीला कंटाळून आत्महत्या केली आहे. हे सरकार निर्दयी असल्याचे त्यांनी सांगितले. 

याप्रसंगी विरोधी पक्ष नेते अंबादास दानवे,माजी खासदार चंद्रकांत खैरे, विनोद घोसाळकर,माजी नगराध्यक्ष दत्ता गोर्डे ,डॉ. सुनील शिंदे,शिवाजी बँकेचे चेअरमन रवींद्र काळे, संत एकनाथ सहकारी साखर कारखान्याचे व्हाईस चेअरमन प्रल्हादऔटे,सौ.राखी परदेशी ,प्रकाश वानोळे,सोमनाथ जाधव, शुभम पिवळ ,अजय परळकर,स्वाती माने यांच्या सह मोठ्या प्रमाणात शेतकरी उपस्थित होते.