अबू धाबी  : ऑस्ट्रेलियाच्या कॅमरॉन ग्रीनवर आयपीएलच्या लिलावात तगडी बोली लागली. कॅमरॉन ग्रीनची 2 कोटी रुपये मूळ किंमत होती. कॅमरॉन ग्रीनला खरेदी करण्यासाठी चेन्नई आणि कोलकाता भिडले. यावेळी 25.20 कोटी रुपयांना कोलकाताने खरेदी केली. आता कॅमरॉन ग्रीन आयपीएलच्या इतिहासातील सगळ्यात महागडा विदेशी खेळाडू ठरला आहे. 

दक्षिण अफ्रिकेच्या डेव्हिड मिलरला दिल्ली कॅपिटल्सने 2 कोटी रुपयांना खरेदी केले. तर भारतीय क्रिकेटचा फलंदाज पृथ्वी शॉ अनसोल्ड राहिला. आयपीएल 2026 चा मिनी लिलाव अबू धाबी येथे सुरु आहे. आयपीएल लिलावासाठी सर्व संघांकडे मिळून एकूण 237.55 कोटी रुपयांचा पर्स उपलब्ध आहे. मिनी ऑक्शनमध्ये कमाल 77 खेळाडू खरेदी करता येणार असून, एकूण 359 खेळाडू लिलावात उतरले आहेत. यापैकी जास्तीत जास्त 31 परदेशी खेळाडूंनाच करार मिळू शकतो, तर लिलावात 110 परदेशी खेळाडूंचा समावेश आहे.