सिल्लोड, (प्रतिनिधी) छत्रपती संभाजीनगर येथे सुरू असलेल्या जिल्हास्तरीय रिले क्रीडा प्रकारात पालोद येथील सहकार महर्षी माणिकराव पालोदकर महाविद्यालयाच्या विद्यार्थ्यांनी प्रथम क्रमांक मिळवून विभागीय स्तरासाठी निवड झाली.

 पाच किलोमीटर चालणे या क्रीडा प्रकारातही प्रथम क्रमांक मिळून विभागीय स्तरासाठी निवड झाली.

छत्रपती संभाजीनगर जिल्हास्तरीय मनपा हद्दी बाहेरील शालेय रिले क्रीडा स्पर्धा आयोजित करण्यात आल्या होत्या. यात ४१०० रिले १९ वर्ष वयोगटातील प्रथम क्षितिज दादाराव मोरे, भगवान कृष्णा इंगळे, सोमीनाथ भागाजी सपकाळ, आजिनाथ भगवान बरडे, रोहित दिलीप इंगळे क्रमांक मिळविला. तर ५ किमी चालणे क्रीडा प्रकारात १९ वर्ष वयोगटातील रितेश कृष्णा गायकवाडने प्रथम क्रमांक मिळवून वरील विद्यार्थ्यांची विभागीय स्तरासाठी निवड झाली.

यासोबत ३००० मीटर धावणे या क्रीडा प्रकारात १७वर्ष वयोगटातील राजेश फकीरबा गव्हाणे याने द्वितीय मिळविला. तालुकास्तरापासून जिल्हा स्तरापर्यंत महाविद्यालयाने मिळालेल्या या घवघवीत यशाबद्दल राजश्री शाहू शिक्षण संस्थेचे अध्यक्ष प्रभाकरराव पालोदकर, सचिव डॉ. राहुल पालोदकर, प्राचार्य अशोक पंडित, प्राचार्य ज्ञानेश्वर काकडे यांनी विभागीय स्तरावर निवड झालेल्या सर्व खेळाडूंचे व प्रशिक्षकांचे अभिनंदन केले. 

याप्रसंगी महाविद्यालयातील मार्गदर्शक शिक्षक गजानन सपकाळ, दिलीप जाधव, प्रदीप कानडजे, कृष्णा भांडारे, सुनील तांबे, सुनील सागरे, राजेश ठोंबरे, भास्कर केरले, प्रफुल्ल कळम, कृष्णा पाटील, योगेश निंभोरे, राजाभाऊ भोसले, गणेश दिवटे, विक्की चांदुरकर, संजय जाधव, डॉ. रमेश काळे, जयश्री चापे, महादेवी ठवरे, संतुकराव मोरे, अक्षय निकम यांनी विजयी खेळाडूंचे अभिनंदन केले.