काल शरद पवार यांनी मुख्यमंत्री एकनाथ शिंदे यांची भेट घेतली होती. मात्र, केवळ भेटच नाही तर मुख्यमंत्र्यांच्या दालनातच शरद पवारांनी राष्ट्रवादी काँग्रेसच्या आमदारांची बंद दाराआड बैठक घेतल्याने राजकीय वर्तुळात सर्वांच्या भुवया उंचावल्या होत्या. याच मुद्द्यावरून संजय राऊतांनी पवारांच्या निर्णयावर आणि राष्ट्रवादीच्या विश्वासार्हतेवर थेट प्रश्नचिन्ह उपस्थित केले आहे.
आम्ही एवढे सहिष्णू नाही, आमचं मन एवढं मोठं नाही!
संजय राऊत पुढे म्हणाले, शरद पवार हे नक्कीच मोठे आणि आदरणीय नेते आहेत. पण ज्या एकनाथ शिंदेंनी महाराष्ट्राला भ्रष्टाचार आणि गद्दारीची वाळवी लावली, कीड लावली, त्यांच्या दारात जाण्याची काय गरज होती? अख्खं विधानभवन काय ओस पडलं होतं का? समोर राष्ट्रवादी भवन आहे, वाय. बी. चव्हाण प्रतिष्ठान आहे. आम्ही एका निष्ठावंत कार्यकर्त्याच्या भावनेतून बोलत आहोत. गद्दारांच्या ठिकाणी जाऊन आपल्या पक्षाच्या बैठका घेण्याएवढे आम्ही सहिष्णू नाही आणि आमचं मनही एवढं मोठं नाही, असंही संजय राऊत यांनी म्हटले.
आम्ही अजित पवारांच्या दालनात बैठक घेतली नसती!
राऊतांनी अजित पवारांचा संदर्भ देत म्हटले की, आम्ही जर असतो तर अजित पवार यांच्या दालनात जाऊन आमच्या पक्षाची बैठक कधीही घेतली नसती. त्यांनी (अजित पवारांनी) शरद पवारांशी बेइमानी केली, हे आम्ही विसरलेलो नाही. महाविकास आघाडीतील प्रत्येक घटकाने काही पथ्य पाळायलाच हवीत, शरद पवार हे मोठे नेते आहेत. पण ज्या शिंदेंनी या महाराष्ट्राला भ्रष्टाचाराची कीड आणि गद्दारीची वाळवी लावली, त्यांच्या दालनात बैठक घेणे योग्य नाही. मविआच्या घटकपक्षांनी नियम पाळायला पाहिजेत, असे संजय राऊत यांनी म्हटले. गुरुवारी मुंबईत आयोजित केलेल्या पत्रकार परिषदेत बोलताना राऊत यांनी शरद पवार यांच्यावर तीव्र नाराजी व्यक्त केली.
शशिकांत शिंदे यांचे स्पष्टीकरण
शरद पवारांच्या राष्ट्रवादी काँग्रेसचे प्रदेशाध्यक्ष शशिकांत शिंदे यांनी पवार आणि शिंदेंच्या भेटीवर स्पष्टीकरण दिलं आहे. ङ्गङ्घया भेटीकडे राजकीय नजरेतून बघू नये. मविआ म्हणून आम्ही एकत्र आहोत. पवारसाहेबांची तब्येत पाहता बाजूला गाडी होती. दुसर्या माळ्यावर बैठक होती. हा निव्वळ योगायोग आहे. यात कुठलही राजकीय प्लानिंग, संदेश देणं असं काहीही नाहीयफफ असा खुलासा शशिकांत शिंदे यांनी केला. पवारसाहेबांना हे माहितही नव्हतं. जयंत पाटील आम्ही सर्व आमदार साहेबांना बोललो की, इतक्या लांब जाण्यापेक्षा इथल्या इथे बसूया असे शशिकांत शिंदे म्हणाले.
