पैठण, (प्रतिनिधी) चनकवाडी बंधारा येथे विनापरवाना वाळूची चोरटी वाहतूक करताना गुरुवारी पोलिसांनी एका हायवा वाहनावर कारवाई केली आहे. दोघाजणाविरुद्ध गुन्हा दाखल केला आहे.
यामध्ये पोलिसांना टाटा कंपनीचा १५१८ हायवा ( पासिंग क्रमांक ४६--५२९७) विनापरवाना वाळूची चोरटी वाहतूक करताना मिळून आला. पोलिसांनी लक्ष्मण पुरी पोलीस हेड कॉन्स्टेबल यांच्या फिर्यादीवरून आरोपी मोहम्मद मोहिनोदिन शेख व कयूम खुदुस खतीब राहणार सादात मोहल्ला पैठण यांच्याविरुद्ध गुन्हा दाखल केला आहे. दरम्यान कयूम खुदूस खतीब याच्या विरुद्ध पोलीस ठाण्यात यापूर्वी अनेक गुन्हे दाखल आहेत.
