पैठण, (प्रतिनिधी) ऐतिहासिक तीर्थक्षेत्र पैठण येथील संतपीठातील विकासासाठी लागणाऱ्या खर्चास तत्वतः मान्यता देण्यात आली आहे.
संत पिठाच्या व्यवस्थापनासाठी डॉ. बाबासाहेब मराठवाडा विद्यापीठ छत्रपती संभाजी नगर यांच्याकडे पाच वर्षासाठी पुन्हा मुदतवाढ देण्याचा निर्णय घेण्यात आला आहे. समाजात संतांच्या विचारांचा, तत्त्वज्ञानाचा आणि मूल्याधिष्ठित जीवनशैलीचा प्रसार घडविण्यासाठी स्थापन केलेल्या श्रीक्षेत्र संतपीठ, पैठण येथील मूलभूत सुविधा उभारण्यासाठी लागणाऱ्या खर्चास तत्वतः मान्यता देण्यात आली असल्याची माहिती उच्च व तंत्र शिक्षण मंत्री चंद्रकांत पाटील यांनी दिली.
मंगळवारी मंत्रालयात मंत्री चंद्रकांतदादा पाटील यांच्या अध्यक्षतेखाली श्रीक्षेत्र संतपीठ, पैठण संतपिठाच्या शैक्षणिक व्यवस्थापनासाठी विद्यापीठाला पाच वर्षासाठी मुदत वाढ; उच्च व तंत्र शिक्षण मंत्री : चंद्रकांत पाटील येथील मूलभूत सुविधांबाबत आढावा बैठक घेण्यात आली. या बैठकीस आमदार विलास भुमरे, डॉ. बाबासाहेब आंबेडकर मराठवाडा विद्यापीठाचे कुलगुरू डॉ. विजय फुलारी, कुलसचिव प्रशांत अमृतकर, संतपीठाचे संचालक प्रवीण वक्ते, उच्च शिक्षण संचालक शैलेंद्र देवळाणकर, सार्वजनिक बांधकाम विभागाचे मुख्य अभियंता अतुल चव्हाण व संबंधित अधिकारी उपस्थित होते.
उच्च व तंत्र शिक्षण मंत्री चंद्रकांत पाटील म्हणाले, संतपीठात सुरू असलेल्या विविध अभ्यासक्रमासाठी अध्यपक-अध्यपकेत्तर कर्मचारी वेतन खर्चासाठी प्रतिवर्षी एक कोटी रुपये देण्यास मान्यता देण्याचा निर्णय घेण्यात आला असल्याचे त्यांनी सांगितले. भारतीय संतपरंपरा आणि लोकसंस्कृतीचे जतन व संवर्धन संतपीठाच्या माध्यमातून केले जात आहे. त्यामुळे सर्व आवश्यक सुविधा उपलब्ध करून देण्यासाठी आवश्यक निधी उपलब्ध करून देण्यात येईल. असेही मंत्री पाटील यांनी सांगितले. आमदार विलास भुमरे यांच्या सततच्या पाठपुराव्यामुळे सांस्कृतिक मंत्री चंद्रकांत पाटील यांनी संत पिठासाठी एक कोटीचा निधी उपलब्ध करून देण्याचा निर्णय घेतला आहे.
