टी-२० वर्ल्ड कपसाठी टीम इंडियाची घोषणा ! सूर्यकुमार यादव , कर्णधार , गिलचा पत्ता कट, ईशान किशनला संधी

नवी दिल्ली : भारत-श्रीलंका यांच्या यजमानपदाखाली होणाऱ्या आय सी सी टी-२० वर्ल्ड कप स्पर्धेसाठी भारतीय क्रिकेट नियामक मंडळाने शनिवारी भारतीय टी-२० संघाची घोषणा केली. ७ फेब्रुवारी ते ८ मार्च या कालावधीत भारत-श्रीलंकेतील मैदानात टी-२० वर्ल्ड कप स्पर्धेतील सामने खेळवण्यात येणार आहेत. या स्पर्धेआधी भारतीय संघ न्यूझीलंडविरुद्ध ५ सामन्यांची टी-२० मालिका खेळणार आहे. या मालिकेसह टी-२० वर्ल्ड कप स्पर्धेसाठी सूर्यकुमार यादवच्या नेतृत्वाखाली १५ सदस्यीस संघाची निवड करण्यात आली.

संघ निवडीची घोषणा करण्यासाठी बीसीसीआयच्या मुंबईतील कार्यालयात बैठक पार पडली. या बैठकीनंतर कर्णधार सूर्यकुमार यादव, बीसीसीआय निवड समितीचे अध्यक्ष अजित आगरकर यांच्या उपस्थितीत बीसीसीयचे संयुक्त सचिव देवजीत सैकिया यांनी संघाची घोषणा केली. शुभमन गिलचा पत्ता कट झाला असून अक्षर पटेलकडे उपकर्णधार पदाची जबाबदारी सोपवण्यात आली आहे. याशिवाय ईशान किशनलाही संघात स्थान देण्यात आले आहे.